दिपक दिपाले अब फेरी अर्काे सिनेमा बनाउने

नेपाली सिने उद्योगलाइ ३ सुपरहिट सिनेमा दिएको आमा सरस्वती मुभिजले अब फेरी अर्काे सिनेमा बनाउने भएको छ । तिन सिनेमामा नै फरकफरक निर्देशकसँग काम गरेको ब्यानरले चौथो सिनेमामा पनि फरक निर्देशक राख्ने भएको छ ।जुन सिनेमामा निर्देशक बिकास आचार्य रहनेछन् सिनेमाको कथापनि उनैलनैे लेखेका हुन् ।


‘विकासको कथा मनपरेपछि दीपकराज गिरीले आमा सरस्वती मुभिजको ब्यानरबाट चलचित्र बनाउन लागिएको बताए ।उनले भने(‘अब हामी राम्रो कथामा लगानी पनि गर्नुपर्छ भन्ने सोचमा पुगेको छौ । यसैले, विकासजीको निर्देशनमा नयाँ सिनेमा बनाउन लागेको हौ ।’


सिनेमामा को को कलाकार रहने भन्ने फाइनल भइसकेको छैन यद्यपी  जीतु नेपालले काम गर्ने पक्का भैसकेको छ । सिनेमा प्रेम र कमेडीको मिश्रणमा बन्नेछ । दीपकले भने(‘विकासजीको शैली र हाम्रो शैलीलाई मिलाएर सिनेमा बनाउनेछौ ।’दिपकले यो सिनेमा मात्र होइन हामी हाम्रो पुरानो टिम बाट पनि सिनेमा बनाउँछौ, त्यसको पनि स्क्रिप्ट लेखन भइरहेको छ उनले भने । ३ सुपरहिट सिनेमा दिइसकेको आमा सरस्वती मुभिजले अब बर्षेनी दुइ सिनेमा दिने कुरा आएको छ ।