बजार हिडेकी २४ बर्षीया युवतीको बाटोमै शव

 
    ☌

काठमाडौं, २४ माघ । घरबाट काम गर्न बजारतर्फ हिँडेकी एक युवती बाटोमै मृत फेला परेकी छन् ।
मकवानपुर गढि–८ कालीखोला बस्ने २४ वर्षीया आशा परियारको शव सडकमा मृत फेला परेको प्रहरीले जनाएको छ ।
हेटौंडा–५ मक्रामचुली जाने बाटोमा सोमबार उनीको शव फेला परेको हो । उनको मृत्युको कारण खुल्न सकेको छैन ।
घटनाबारे प्रहरीले अनुसन्धान सुरु गरेको जनाएको छ ।
यस्तै कास्की, पोखरा उपमहानगरपालिका–९ पृथ्वीचोक बसपार्कमा करीब ४६ वर्षीय पुरुष सोमबार मृत फेला परेका छन् । सर्लाही हरिवन–११ स्थित सडकमा कर्मैया–५ बस्ने ३२ वर्षीय रङगेबहादुर भुजेलको शव फेला परेको प्रहरीको दैनिक बुलेटिनमा उल्लेख छ । म्याग्दीमा पनि एक पुरुषको शव फेला परेको छ । बेनी–१ रत्नेचौर बस्ने २४ वर्षीय कृष्ण थापा सोही ठाउँस्थित गणेश मन्दिर नजिकको भिरमा मृत फेला परेका हुन् ।कर्णाली न्यूज!!!