आइतबार राजधानीको बालकुमारी पुल नजिकै सडकमा हिडिरहँदा जीपको ठक्करबाट गम्भीर घाइते भएकी अम्बिका रावलको बी एण्ड बी अस्पतालमा उपचारका क्रममा सोमबार दिउँसो निधन भएको परिवारका सदस्य एवं एमाले निकट किसान महासंघका केन्द्रीय सदस्य कमला बोहराले जानकारी दिइन् ।
‘अष्ट्रेलियाको तयारी गरिरहेकी अम्बिका आयल्स पढ्न जाने क्रममा हिजो दिउँसो बालकुमारी पुलनेर बाटोमा हिडिरहेको बेला जीपले पछाडीबाट ठक्कर दिँदा टाउकोमा गम्भीर चोट लागी घाइते हुँदा अस्पतालको भेन्टिलेटर राखेका थियौं,’ उनले भनिन्- ‘आज दिउँसो दुई बजे संसार छाडिन् । तीन दाजुभाइलाई छाडेर गइन् ।’
बोहराका अनुसार अम्बिका बझाङ क्षेत्र नम्बर दुईका निर्वाचित सांसद रावलकी एक्ली छोरी हुन् । घटनापछि जीप र चालकलाई प्रहरीले नियन्त्रणमा लिएको छ ।
अम्बिकाको पोस्टमार्टमपछि सोमबार साँझ पशुपति आर्यघाटमा अन्त्येष्टि गरिएको छ ।
No comments:
Post a Comment