एमाले अध्यक्ष ओली किन जाँदैछन् अमेरिका ?

काठमाडौं, २४ माघ । नेकपा एमालेका अध्यक्ष एवं पूर्व प्रधानमन्त्री केपी शर्मा ओली अमेरिका जाने भएका छन् ।
पार्टीको प्रवास संगठन प्रवासी नेपाली मञ्च (ओएनएफ)को दोस्रो अधिवेशनलाई सम्बोधन गर्न प्रमुख अतिथिका रुपमा ओली अमेरिका जान लागेको एमाले केन्द्रीय कार्यालय सचिव कृष्णगोपाल श्रेष्ठले जानकारी दिए ।
ओलीले आउँदो मार्च ३१ देखि अप्रिल २ सम्म मेरिल्याण्ड राज्यको बाल्टिमोर शहरमा आयोजना गरिएको मञ्चको अधिवेशनलाई उद्घाटनका साथै सम्बोधन गर्नेछन् ।
ओलीसँगै पूर्वमन्त्री युवराज कार्की लगायतका नेताहरु पनि अमेरिका जानेछन् । अमेरिका यात्राका क्रममा ओलीले राजनीतिक भेटघाट पनि गर्ने बताइएको छ ।दैनिक नेपालको सहयोगमा