शाहरुखको नयाँ फिल्मको नाम परिवर्तन, के राखियो?

यस वर्ष ‘रइस’ मार्फत् दर्शकमाझ उत्रेका शाहरुख खान आगामी वर्ष अनुष्का शर्मासँग इम्तियाज अलिको फिल्ममा देखा पर्नेछन्।

अनुष्कासँगको यो फिल्मको रिलीज मिति सलमान खानले ट्वीटरमार्फत् घोषणा गरिदिएका थिए। अगस्ट ११ मा रिलीज हुने भनिएको यो फिल्मको नाम सुरुमा ‘द रिङ’ हुने भनिएकोमा अहिले परिवर्तन गरिएको छ। भारतीय समाचारमाध्यमका अनुसार शाहरुखको यो फिल्मको नाम ‘रेह्नुमा’ हुनेछ। उर्दु भाषाको शब्द रेह्नुमाको अर्थ ‘गाइड वा लिडर’ भन्ने हुन्छ।

प्रागमा सुटिङ भएको बेला यो फिल्मको नाम ‘द रिङ’ भनिएको थियो। फिल्म अनुष्काको भूमिका वारिपरि केन्द्रित भएको र उनको हराएको इंगेजमेन्ट रिङ औंठीको खोजीबारे छ जसमा गाइडको भूमिकामा शाहरुख खान छन्।