एजेन्सी, २५ माघ - बार्सिलोनाका स्ट्राइकर लियोनल मेस्सी निकै चर्चामा रहेका खेलाडी हुन्। अहिले उनको चर्चा झनै चुलिएको छ। बार्सिलोनाको २२ वर्ष पुरानो कीर्तिमान तोड्न उनी सफल बनेका छन्।
मेस्सीले ला लिगा अन्तर्गत शनिबार राति भएको एथ्लेटिको बिल्बाओसँगको खेलमा फ्रि–किक मार्फत गोल गरे। यो वर्ष सिधै फ्रि–किकबाट गरेको यो मेस्सीको चौथो गोल थियो। समग्रमा मेस्सीले बार्सिलोनाका लागि अहिलेसम्म सिधै फ्रि–किकबाट २७ गोल गरेका छन्।
योसँगै उनी सिधै फ्रि–किकबाट सबै भन्दा धेरै गोल गर्ने बार्सिलोनाका पहिलो खेलाडी बनेका हुन्। उनले रोनाल्ड कोएम्यानले सन् १९८९ देखि १९९५ सम्म बार्सिलोनामा रहँदा बनाएको कीर्तिमान तोडेका हुन्। कोएम्यानले २६ फ्रि–किक गोल गर्दै कीर्तिमान बनाएका थिए।
No comments:
Post a Comment