महिलालाई दुर्लभ रोग- पतिसँग यौन सम्बन्ध राखे मृत्यु हुनसक्ने...

अमेरिकाको क्लोराडामा बस्ने एक महिलालाई एक दुर्लभ किसिमको रोग देखा परेको छ । कैटी बैनना नामकी ३४ वर्षीय महिलालाई व्यायाम गरे वा श्रीमानसंग शारीरिक सम्बन्ध राखेमा मृत्यु हुन सक्ने खालको रोग देखिएको चिकित्सकले जनाएका छन् ।
कैटीले छ वर्षको अवधिमा कयौं डाक्टरहरुलाई भेटेर आफ्नो रोगबारे जानकारी गराएकी छन् । छिटो हिड्नेदेखि लिएर पतिसंग शारीरिक सम्बन्ध बनाउने कार्य गर्दा उनी बेहोस् नै हुने गरेकी छन् । यसै कारण चिकित्सकहरुले पनि उनलाई यस्ता काममा सजग रहन सुझाव दिएको छ ।
व्यायाम गर्न आफूलाई मन पर्ने भएपनि रोगकै कारण डर लाग्ने गरेको उनी बताउँछिन् । वषौंदेखि नर्सिङ पेसामा रहेकी कैटीले कैयौं पटक आफू बेहोस् भएको पाइकी छन् ।
कैटीले आफ्नो यस्तो दुर्लभ रोगको बारेमा २२ वर्षको उमेरमा थाहा पाएकी थिइन् । जुन बेला उनी बेट्स कलेजमा धार्मिक अध्ययन गरिरहेकी थिइन् । मैदानमा आफ्नो साथीहरुसंग दौडिरहेका बेला उनलाई त्यस्तो भएको थियो ।
एजेन्सी