काठमाडौं : भारतको चर्चित टेलिभिजन शो ‘झलक दिखला जा’को उपाधी जित्न सफल नेपाली चेली तेरिया फौजामगर शुक्रबार साँझ नेपाल आउने भएकी छन् ।
आफूलाई अनलाइनन भोटिङ गरेर जिताउन सहयोग गर्ने नेपालीहरुलाई धन्यवाद दिन आफू नेपाल आउन लागेको उनले बताइन् । अनलाइनखबरसँग मुम्बईबाट कुरा गर्दै तेरियाले भनिन्, ‘मलाई झलक दिखला जामा जुन उपलब्धी हासिल भयो त्यसमा संसारभर रहेका नेपालीहरुको योगदान छ । त्यसैले मलाई मायाँ गर्ने र भोट गर्नेहरुलाई धन्यवाद ज्ञापन गर्न नेपाल जाँदै छु ।’
यही माघ सात गते भएको फाइनल प्रतिस्पर्धामा अन्य दुई प्रतिस्पर्धीलाई उछिन्दै तेरियाले ३० लाख नगदसहित उपाधि जितेकी थिइन् । तेरियाकी आमा अनिता फौजामगरले नेपाल एयरलाइन्सको जहाजबाट शुक्रबार साँझ आमा-छोरी काठमाडौं आइपुग्ने बताइन् ।
तेरियाको सम्मानमा शुक्रबार तेरिया फाउण्डेसनले काठमाडौंमा एक कार्यक्रम गर्नेछ । सो कार्यक्रममा सहभागी भएपछि उनी आफ्नो गृहजिल्ला रुपन्देही जानेछिन् । रुपन्देहीमा पनि उनलाई स्वागतको तयारी भइरहेको तेरियाका हजुरबुवा कृष्णबहादुर फौजामगर बताए ।
तेरियाको परीक्षा नजिकिएकाले छोटो विदा लिएर नेपाल आउन लागेकाले नेपालमा बसाई धेरै नहुदा कुनै विषेश कार्यक्रम भने छैन । उनी नेपालीहरुलाई धन्यवाद दिनमात्रै आउन लागेकी हुन् ।’
No comments:
Post a Comment