संसारमा अनेक अनेक देख्न र सुन्न पाइन्छ ।
चीनको फुजियान प्रान्तस्थित फुझोउ शहरमा गत साता एउटी युवतीले कुकुर बाँध्ने सिक्रीले बाँधेर एक युवकलाई बाटोमा डोहो¥याइन् । घाँटीमा सिक्री बाँधिएका ती युवक मालिकको इशारामा कुकुर हिँडेझैँ गरी अनुशासनपूर्वक हिँडेका थिए ।
सडक अति व्यस्त हुने समयमा शहरको मूल सडकमा युवतीले कुकुरलाई झैँ गरी युवकलाई डोहो¥याउँदै गरेको देखेर सबै छक्क परेका थिए ।
‘युवतीले अग्लो हिल भएको जुत्ता लगाएकी थिइन् र कुकुरलाई झैँ युवकलाई पछि लगाएर हिँडिरहेकी थिइन् । ती युवक पनि बफादार कुकुरजसरी चार हातखुट्टा टेकेर युवतीले डोहो¥याएको दिशातिर हिँडिरहेका थिए,’ समाचारमा भनिएको छ ।
बटुवा, ड्राइभर, मोटरसाइकल चालक र यात्रु सबैले सो विचित्र दृश्य अचम्म मान्दै हेरेका थिए ।
‘बेलाबेलामा ती युवती सडकमा उभिन्थिन् र युवकको टाउको मुसार्दै बटुवाहरूसँग ‘यो मेरो प्यारो कुकुर हो’ भन्थिन्,’ समाचारमा भनिएको छ ।
उनीहरूको चालामाला लामो समयसम्म चलेपछि प्रहरीले हस्तक्षेप गरेको थियो र जुनसुकै प्रयोजनका लागि गरिएको भए पनि त्यस्तो काम रोक्न भनेको थियो । त्यसपछि ती युवतीले पुरुषलाई सिक्रीबाट मुक्त गरेकी थिइन् र दुवैजना बेपत्ता भएका थिए ।
उनीहरू को हुन् र किन त्यसो गरे भन्ने चाहिँ थाहा हुन सकेको छैन । तर, उनीहरूको तस्बिर भने अहिले चिनियाँहरूमाझ सामाजिक सञ्जालमा भाइरल भइरहेको छ । एजेन्सी
No comments:
Post a Comment