पोखरामा पहिलो पटक व्यवसायिक प्रायोजनका लागि भित्र्याइएको फोर्स मोटर्सको ट्राभलर १३ सिटे बसको पहिलो ग्राहक गोविन्द रानाभाट र भुवन पौडेल बनेका छन् । उनीहरुलाई आयाम इन्टरकन्टिनेन्टलका अध्यक्ष ध्रुबबहादुर थापा तथा फोर्स मोटर्स प्रा.लि.इण्डियाका सहायक बजार प्रबन्धक सुनिल संकले चावी हस्तान्तरण गरेका हुन् ।
त्यस्तै, भिमाद आराम यातायातका लागि पनि १० वटा बस बुकिङ भएको आयाम पोखराका शाखा प्रबन्धक निरन केसीले जानकारी दिए । पोखरामा ट्याक्सी ब्यवसायी अन्तर्गत उक्त बसहरु गुड्ने छन् । फोर्स मोटर्सका बसहरु नेपाली बाटो सुहाउँदो भएकाले धेरै बिक्री हुने आयाम इन्टर कन्टिनेन्टलका प्रबन्ध निर्देशक राजन लम्सालले बताए ।
आयाम इन्टर कन्टिनेन्टलका अध्यक्ष ध्रुबबहादुर थापाको अध्यक्षतामा भएको कार्यक्रममा प्राइम अटोटेकका प्रमुख कार्यकारी अधिकृत सुभाष शर्मा लगायतको उपस्थिति थियो । आयाम इन्टरकन्टिनेन्टल प्रा.लि. फोर्स मोटर्सको साना हलुका सवारी साधनको आधिकारिक आयत तथा बिक्री कर्ता हो ।
यसका साथै प्राइम अटो टेक प्रा.लि. काठमाडौंले आयात गर्ने र्फोस मोटर्सका बसहरुको गण्डकी र धौला गिरीका लागि आधिकारिक बिक्रेता समेत हो । आयाम इन्टरकन्टिनेन्टल प्रा.लि.ले सबै भन्दा बढी १४ सिट क्षमता भएको क्रुजर लगायतमा जिप, कार्गो किङ पिकअप, ट्रम्पफोर्टी डेलिभरी भ्यान जस्ता गाडीहरु बिक्री वितरण गर्दै आइरहेको छ ।
नेपालका लागि आधिकारिक बिक्रेता आयाम इन्टरकन्टिनेन्टल प्रा.लि.को मुख्य कार्यालय गैरीधारा काठमाडौं र शाखा कार्यालय बुद्घचोक पोखरामा छ । यसका सब डिलरहरु, सिद्घार्थ अटो टे«डिङ झापा, के.आर.अटो मोबाइल्स बिराटनगर, मास ग्लोबल मोट्र्स राजबिराज, सिद्घान्त अटो मोबाइल्स जनकपुर, रियान मोर्टस चितवन छन् ।
फोर्स मोटर्सको सहयोगमा लायन्स इन्टरनेशनल डिस्ट्रिक ३२५ विवानले पोखरा, बाग्लुङ तथा काठमाडौंमा सेवा प्रदान गर्ने गरी तीन वटा एम्बुलेन्स सहयोग गरेको थियो ।
No comments:
Post a Comment