फिफा वरीयतामा नेपाल ६ स्थानमाथि उक्लियो

पुस २८, २०७३- फिफा वरीयतामा नेपाल अघिल्लो महिनाभन्दा ६ स्थान माथि उक्लेको छ । फिफाले जनवरी महिनाको लागि जारी गरेको वरीयतामा नेपाल ६ स्थान फड्को मार्दै १ सय ७५ औं स्थानमा उक्लेको हो ।

सन् २०१६ को डिसेम्बरमा नेपाल १ सय ८१ औं स्थानमा थियो । यसपालीको वरीयतामा नेपालले दक्षिण एसियाको भुटानलाई एक स्थानले पछि पारेको छ भने दक्षिण एसियामा भारत र माल्दिभ्स पछि तेस्रो स्थानमा छ। एक स्थान सुधार गरेको भुटान १७६ औं स्थानमा छ।

विश्व वरीयतामा अर्जेन्टिना शीर्ष स्थानमा कायमै छ भने जर्मनी पनि दोस्रो स्थानमा नै छ।