माइकल जैक्सनको मृत्युको कारण आठ वर्षपछि छोरीले खोलिन् !

लसएञ्जलस । पप म्यूजिकका विश्वप्रसिद्ध व्यक्तित्व माइकल जैक्सनकी छोरी पेरिस जैक्सनले आफ्ना बाबुको हत्या भएको सनसनीपूर्ण दाबी गरेकी छिन् ।

वेबसाइट ‘इन्डीपेन्डेन्ट डट को डट यूके’का अनुसार १८ वर्षीया पेरिसले आफ्ना बाबु माइकल जैक्सनको हत्या पूरा योजनाअनुसार भएको बताएकी हुन् । पेरिसाले भनेकि छिन्, ‘बाबाले मलाई आफ्नो हत्याको षड्यन्त्र भइरहेको र केही व्यक्ति पछाडि लागेको संकेत पाएको कुरा भन्नुभएको थियो ।’

पेरिसले ‘रोलिंग स्टोन’लाई भनेकि छिन्, ‘उहाँले भन्नुभएको थियो केही व्यक्ति मेरो ज्यालन लिन चाहन्छ । उहँले (माइकल जैक्सन) कुनै पनि दिन मेरो हत्या हुन सक्छ भन्नु भएको थियो ।’

माइकल जैक्सनको मृत्यु हत्याका कारण भएको आफन्त र समर्थकहरूले दाबी गर्दै आएका छन् । तर, उनको हत्या कसले किन गर्न चाहेको थियो भन्ने खुल्न सकेको छैन ।

छोरी पेरिसका अनुसार, ‘यो एक शतरञ्जको खेल हो र म अहिले शतरञ्ज खेल्ने कोशिश गरिरहेकी छु । यसबारेमा अहिले यत्ति नै भन्न सक्छु ।’

डोजभन्दा अत्यधिक औषधिको मात्रा दिएका कारण २००९ मा माइकल जैक्सनको निधन भएको थियो । उनका निजी चिकित्सक कनराड मरेलाई नोभेम्बर २०११ मा हत्याको दोषी ठहराएर चार वर्षको जेल सजाय समेत भइसकेको छ । – एजेन्सी