फाइल तस्वीर
काठमाडौं, १६ माघ । त्रिभुवन अन्तर्राष्ट्रिय विमानस्थलबाट प्रहरी र कर्मचारीकै मिलेमतोमा मानव तस्करी हुने गरेको खुलासा भएको छ ।
अहिलेको चर्चित ३५ किलो सुन तस्करी प्रकरण सेलाउन नपाउँदै एयरपोर्टबाट हुने अर्काे तस्करीको पोल भिजिट भिषामा दुबई जान विमान चढ्न लागेकी एक युवती पक्राउ परेपछि खुलेको हो ।
विमान चढ्नै लाग्दा पक्राउ पर्ने युवती हुन् मिनामाया तामाङ । उनी गत बुधबार पक्राउ परेकी हुन् । तामाङलाई प्रहरीकै मिलेमतोमा भिजिट भिषामा बैदेशिक रोजगारीका लागि दुबई पठाउने तयारी गरिएको थियो ।
बैदेशिक रोजगारीका लागि उनलाई दुबई जान लागि उनी भिजिट भिषामा सबै चेकजाँच पुरा गरी विमान चढ्न स्टेलाइजर एरियामा पुगेकी थिइन् । महानगरीय अपराध महाशाखाको प्रहरीले शंका लागी उनलाई समातेर अनुसन्धान गर्दा नक्कली कागजपत्रको आधारमा प्रहरीकै मिलेमतोमा उनलाई दुबई पठाउन लागिएको तथ्य भेटियो ।
नक्कली कागजपत्र बनाएर दुबई पठाउन खोज्ने तीन जनालाई प्रहरीले पक्राउ गरेको छ भने उनलाई सहयोग गर्ने एयरपोर्टका प्रहरी भने फरार छन् ।
अपराध महाशाखाले शुक्रबार गौशलास्थित एक्सिस करिअर सोलुसनका संचालक कपनका सुदर्शन खड्का, जोरपाटीस्थित ओख्तुहाङ ट्राभल एण्ड टुर्सका संचालक सुनसरीका जीवन जिमी राई र उक्त ट्राभल्सका कर्मचारी कृष्ण वाग्लेलाई पक्राउ गरेको हो ।
विमानस्थलमा कार्यरत प्रहरी जवान तोयानाथ विकसँग मिलेर उनीहरुले युवतीलाई दुबई पठाउदै आएको खुलेको छ । विक अहिले फरार छन् । घटनाबारे छानविन भइरहेको अपराध महाशाखाले जनाएको छ ।
यसअघि विमानस्थलमा केन्द्रीय अनुसन्धान ब्यूरोको टिमले ३५ किलो सुनसहित तीन भरियालाई पक्राउ गरेको थियो भने अनुसन्धानका लागि थुप्रै भन्सार अधिकारीलाई नियन्त्रणमा लिएको छ । यो घटनामा सुन मालिक को हो भन्ने अझै टुंगो लागिसकेको छैन् ।
विन्ध्यबासिनी म्युजिक कम्पनीले टेलिकमबाट प्राप्त हुने रोयल्टीमा प्रस्तोताको रोयल्टी छल्ने नियत राखेर कम्पनीको नाममा आर्थिक तथा नैतिक अधिकार हनन् गरेको, संचालक सुवास रेग्मीले रोयल्टी संकलन व्यवस्थापन, वितरण र प्रतिलिपी अधिकारका सम्बन्धमा भ्रामक दुश्प्रचार गरेकोले स्पष्टीकरण मागेको जनाएको छ ।
विन्ध्यबासिनी म्युजिक प्रालि र सो प्रालिका मालिक सुवास रेग्मीलाई प्रस्तोता समाज नेपाल, संगीत रोयल्टी संकलन समाज नेपाल, संगीतकार संघ नेपाल र राष्ट्रिय लोक तथा दोहोरी गीत प्रतिष्ठानले संयुक्त रुपमा स्पष्टीकरण सोधेका हुन् । बिन्ध्यबासिनी म्युजिक प्रालि र रेग्मीमाथि यसअघि पनि कलाकार र स्रष्टाहरूको चरम शोषणा गर्दै आएको आरोप पनि थियो ।
समाजले नैतिक अधिकार हनन् गरी गम्भीर अपराध गरेको भन्दै सर्जकलाई अपमान गर्ने स्रष्टा एवम् कलाकारका सम्मानित संस्थाहरूको गरिमामा आघात पुगाउने काम गरेको ठहर समाजले गरेको छ । समाजले रेग्मी र उनको कम्पनीलाई ७ दिनभित्र स्पटीकरण दिन कडा चेतावनी दिएको छ ।
विन्ध्यबासिनी म्युजिक प्रालि र रेग्मीमाथिका आरोप पुष्टि हुने सबै प्रमाण सुरक्षित रहेको समाजले आइतबार जारी गरेको विज्ञप्तिमा उल्लेख छ ।
सुवास रेग्मी र विन्ध्यबासिनीले उचित स्पष्टीकरण नदिएसम्म उक्त कम्पनीलाई व्यापारिक प्रयोजनमा सहयोग गर्दै आएका संस्थाहरूलाई समाजले पत्राचार गरी सहयोग गर्न आग्रह समेत गरेको छ । रेग्मी र विन्ध्यबासिनीलाई विभिन्न चार वटा व्यापारिक समूहले सहयोग गर्दै आएका थिए ।
प्रतिलिपी अधिकार ऐनअन्र्तगत रोयल्टी व्यवस्थापनका लागि गठित दुईवटा र गीत संगीतसंग सम्बन्धित दुईवटा गरी ४ वटा मुख्य संस्थाका अध्यक्षहरूको हस्ताक्षरसहितको स्पष्टीकरणको बोधार्थ नेपाल प्रतिलिपी अधिकार रजिष्ट्रारको कार्यालय र नेपाल प्रहरीको साइवर क्राइम शाखामा पठाइएको समाजले जनाएको छ ।
No comments:
Post a Comment