‘त्यो जुन हेरेको सँगै मैले रात भूलेको छैन…’ (भिडियोसहित)

काठमाडौँ,
गजलकार सुशीलराज रेग्मीद्वारा रचित ‘त्यो जुन हेरेको सँगै मैले रात भूलेको छैन..’ बोलको गजल हालै सार्वजनिक भएको छ । चर्चित गायक प्रमोद खरेलद्वारा स्वरबद्ध यो गजल युट्युवमार्फत सार्वजनिक गरिएको हो ।
गजलकार रेग्मीको ‘सृष्टि’ एल्बममा रहेको यो गीतको संगीत राजेन्द्र बजगाईले गरेका छन् भने संगीत संयोजन उदयराज पौडेलको रहेको छ । कथानक र निक्कै मार्मिक बनाइएको यो गीतको म्यूजिक भिडियोमा दिपक लम्साल, मेनुका गिरी, बल्लु (रोहित) र मान्यता थापाको अभिनय रहेको छ ।
वैदेशिक रोजगारीको शिलशिलामा हाल दक्षिण कोरियामा रहेका गजलकार रेग्मीको यो गजल निक्कै सशक्त छ । उनी लामो समयदेखि गजल, कविता, कथा विधामा कलम चलाउँदै आएका छन् । पछिल्लो समय उपन्यास लेख्नमा व्यस्त रहेको उनी बताउँछन् । उनको एक उपन्यास कृति प्रकाशोन्मुख अवस्थामा छ ।