काठमाडौंबाट गोरखा जाँदै गरेको माइक्रोबस ट्रकसंग ठोक्किदा १२ जना घाइते

धादिङ । काठमाडौंबाट गोरखा जाँदै गरेको माइक्रोबस पृथ्वीराजमार्ग अन्तर्गत धादिङको नौविसेमा दुर्घटना हुँदा १२ जना घाइते भएका छन्।
तीव्र गतिमा गुडेको माइक्रोबसले ट्रकलाई ओभरटेग गर्न खोज्दा ट्रकसंग ठोक्किएर दुर्घटना भएको बताइएको छ ।
घाइते हुनेमा सबै माइक्रोबसमा सबार यात्रु रहेका छन्।
बा २ ख ३७१४ नम्बरको माइक्रोबसले ना ५ ख २९२० नम्बरको ट्रकलाई ओभरटेक गर्न खोज्दा आपसमा ठोक्किएको ट्राफिक प्रहरी कार्यालय खानीखोलाका सई रामचन्द्र घिमिरेले बताए।
अहिले धार्के क्षेत्रको राजमार्ग अवरुद्ध बनेको छ । घाइते मध्ये ६ जनाको धार्केस्थित शिवदर्शन अस्पतालमा उपचार भइरहेको छ भने अन्य ६ जनालाई उपचारको लागि काठमाडौं तर्फ ल्याइएको छ।