शाहरुखको ‘रईस’को कमाई २०० करोड नाँघ्यो

मुम्बई । गणतन्त्र दिवसमा रिलिज भएको शाहरुख खानको फिल्म ‘रईस’ले केवल बलिउड बक्स अफिसमा मात्रै नभई इन्टरनेशनल बक्स अफिसमा पनि राम्रो प्रदर्शन गरेको छ ।

यो फिल्मले विदेशमा पछिल्ला ६ दिनमा करिब ६२.५७ करोड रुपैयाँ कमाई गरेको छ । तर सबै ठाउँको रिपोर्ट आउँन बाँकी नै छ ।

डोमेस्टिक कलेक्शनको कुरा गर्दा फिल्मले करिब १५४.६१ करोड रुपैयाँ कमाएको छ । अहिले दुनियाभर फिल्म ‘रईस’ को कमाईको विषय चर्चामा छ । सबै कमाइको कुरा गरेमा कुल मिलाएर २१५.१७ करोड कलेक्सन भएको बताइएको छ ।

इन्टरनेशनल बक्स अफिसको कुरा गरेमा ‘रईस’ सिंगापुरमा बीकेडमा सबैभन्दा अधिक कमाई गर्ने बलिउड फिल्म बन्यो । जसमा करिब १.५२ करोड रुपयाँ कमाइएको छ ।

शाहरुखको ‘रईस’ संगै रितिकको काबिल’ पनि रिलिज भएको थियो । शाहरुखको फिल्ममा पाकिस्तानी कलाकार माहिरा खान र बलिउड कलाकार नवाजुद्दीन सिद्दीकीको प्रमुख भुमिका रहेको छ ।