प्रेमिका हत्या गरेर शव राखेको बाकसमा कैयौं रात बिताएको खुलासा !

भुपाल–भुपालका एक युवा उदय दासले प्रहरी हिरासतमा दिएको वयानले प्रहरी चकित परेको छ । प्रेमिका आकांक्षाको हत्या गरेको अभियोगमा उदय प्रहरी नियन्त्रणमा छन् । तर उनीसँगको वयानमा रहस्यका डरलाग्दा तथ्यहरू खुलेका प्रहरीले बताएको छ ।    उदयले आफ्नै आमा बुबालाइ पनि मारेर आंगनमा गाडेको खुलासा भएको हो ।   लिभिंग टुगेदर रिलेशनशिपमा रहेकी प्रेमिका आकांक्षाको हत्या आरोपमा ३२ बर्षीय उदय छत्तीसगढ प्रहरीको नियन्त्रणमा छन् । उनले रायपुरमा २०११ मा आमा बुबाको हत्या गरेर शव आंगनमा गाडेको प्रहरीमा वयान दिएका छन् ।   बाआमाको हत्या पछि उदयले रायपुरको शान्ति नगरमा रहेको घर बेचेर अन्तै लागेका थिए । डीआईजी रमन सिंह सिकरवारको भनाइ उदृत गर्दै भारतीय संचारमाध्यमले जनाएका छन्, ‘उदयले किन यसरी हत्या रचिरहेका छन् खुलेको छैन ।’   प्रेमिका आकांक्षाको घाँटी दवाएर उनले हत्या गरेको स्वीकारेका छन् । सामान्य झगडामा उनले प्रेमिकाको ज्यान लिएका हुन् । हत्या गरेर उनले एक बाकसमा शव राखेर त्यसमा सिमेन्ट र पानी राखेर शव कोठामै राखेका थिए ।   इंग्लिश टिभि सीरियलमा शव लुकाउने बिधि सिकेको उनले प्रहरीमा वयान दिएका छन् । उनले इंग्लिश चैनलमा “वॉकिङ डेथ” नामको सिरियलबाट शव तह लगाउने बिधि सिकेको बताएका छन् ।   कतिसम्म भने उनी शव राखेको सोही बाकसमा प्रफ्युम छर्केर त्यसै माथि सुत्ने गर्थे ।    प्रहरीले उनी साइको किलर भएको बताएको छ  dcnepal