प्रेमिकाको हत्या गरी कोठाभित्रै गाढ्ने उदयनले आफ्नै आमा–बाबुलाई पनि मारेको खुलासा, शवको खोजी जारी

भारतको भोपालमा प्रेमिकाको हत्या गरेर उनलाई घरभित्रै गाढ्ने उदयन दासलाई लिएर स्थानीय पुलिस रायपुरमा पुगेको छ । उनको आमा बुवाको शवको खोजी गर्न खन्ने काम भइरहेको छ । आरोपीले आफ्ना आमा–बुवालाई पनि मारेर रायपुरको घरमा गडेको दाबी गरेका छन् ।
सुन्दर नगरस्थित उदयनको घरमा खन्नका लागि बिहानदेखि नै मजदुरलाई बोलाईको छ ।
– घरको चारैतर्फ पुलिसले घेरेको छ जहाँ मिडियाकर्मीको पनि उल्लेख्य उपस्थिती छ ।
– उक्त घरका अहिलेका मालिक एड्भोकेट हरिश कुमार पाण्डेका अनुसार गार्डेनमा अहिलेसम्म थुप्रै माटो भरिसकिएको छ ।
– शव करिब १० फिट मुनी पाइन सकिने अनुमान गरिएको छ ।
साइको होइनन् उदयनः बंगाल पुलिस
स्टेशनबाट घुर पुग्ने क्रममा मिडियाले जब बंगाल पुलिससँग उदयनको बारेमा सोधे तब उनी साइको नभएको बताइएको छ ।
– अहिलेसम्म उनलाई साइको किलर भनिन्थ्यो तर बंगाल पुलिसले यो दाबीलाई अस्विकार गरिदिएको छ ।
– उदयनले आमा–बुवाको हत्या यसकारण गरे किनभने उनीहरुले उदयनलाई नशा र फजुलखर्चका लागि रोक्ने गर्दथे भन्ने अनुमान गरिएको छ ।
छिमेकीले भने, ‘हामीलाई मृत्युको कारण रोग बताएका थिए
– हरिशको घर वरिपरि बस्ने मानिसले उदयनलाई चिनेको बताए ।
– उदयन रायपुरमा आफ्नी आमा र पूर्व पुलिस अफिसर इन्द्राणी दास र आमा विके दाससँग बस्ने गरेको पत्ता लाग्यो ।
– उदयन र उनको परिवार छिमेकीसँग त्यति घुलमिल नहुने भएकाले वरिपरिका मानिसलाई उनीहरुबारे त्यति जानकारी छैन ।
– उदयनको आमा र बुवाको मृत्यु कुनै रोगका कारण भएको छिमेकीलाई बताइएको थियो ।
– अब मिडियामार्फत उदयनले नै आफ्ना आमा–बुवाको हत्या गरेको भन्ने खबर थाहा भएपछि सबै अचम्ममा परेका छन् ।
के हो घटना ?
– पश्चिम बंगालको बांकुरामा बस्ने देवेन्द्र कुमार शर्माकी छोरी आकांक्षा उर्फ श्वेता (२८) को सन् २००७ मा उदयनसँग अरकुटमा चिनजान भयो ।
– सन् २०१६ को जून महिनामा घरबाट काम गर्ने भन्दै आकांक्षा भोपाल गइन् । त्यहाँ उनी उदयनसाग बस्न थालिन् । उनले आफ्ना परिवारसँग अमेरिकामा काम गर्ने बताउँदै आएकी थिइन् ।
– सन् २०१६ को जुलाईमा आकांक्षाको परिवारसँग कुराकानी हुन छाड्यो । उनको भाइले फोन नम्बर ट्रेस गर्दा भोपाल लोकेसन निस्कियो ।
– आकांक्षाका परिवारलाई उनी उदयनसँगै बसिरहेकी छिन् भन्ने शंका भयो । सन् २०१६ को डिसेम्बरमा आकांक्षा हराएको रिपोर्ट दर्ता गराए ।
– एक महिनाको अनुसन्धानपश्चात् पुलिस उनका प्रेमी उदयनको घरमा पुगे र उनलाई पक्राउ गरे ।
– सोधपुछमा उनले आकांक्षाको हत्या स्विकार गरे । पछि उनले आफ्ना आमा–बुवाको हत्याको पनि रहस्योद्घाटन गरे ।
उदयनले आकांक्षाको हत्या किन गरे ?
– आकांक्षा आफ्नो एक साथीसँग फोनमा धेरैजसो कुरा गरिरहन्थिन् । त्यो कुरामा उदयन रिसाएका थिए ।
– सन् २०१६ को जुलाई १४ तारिखमा आकांक्षा र उदयनबिच निकै चर्को बहस भयो । आकांक्षा सुतिन् तर उदयन रातभरी जागा भए । मार्ने योजना बनाइरहे ।
– १५ जुलाई बिहान आकांक्षाको टाउकोमा बसेर तकियाले उनको मुख बन्द गरिरहे । उनको सास रोकिएपछि उनी रोकिए ।
– यति गर्दासमेत उनको रिस शान्त नभएपछि उनले आकांक्षाको घाँटी थिचे ।

को हुन् उदयन ?
– उदयनका बुवा वीके दास भेलमा फोरम्यान थिए । उदयनकी आमा विध्यांचल भवनमा एनालिष्टको जागिरबाट अवकाश पाइसकेकी थिइन् ।
– उनको आमाको पेन्सन लगभग ३० हजार भारु आउँथ्यो । फेडरल बैंक एमपी नगर शाखामा पितासँग उनको ज्वाइन्ट अकाउन्ट छ।
– यहि पैसाले उदयन र आकांक्षाको खर्च चल्थ्यो ।
पोष्टमार्टमपश्चात् आकांक्षाको शनिबार भोपालमा अन्तिम संस्कार गरिएको छ । एजेन्सी/रातोपाटी