नेपालजन्ज, १७ माघ । अन्तराल कप अन्तर बैंक फाइभ ए साइड फुटबल प्रतियोगिताको आज तेस्रो दिनको खेलमा सिद्धार्थ बैंक र कुमारी बैंक विजयी भएका छन् ।
सिद्धार्थ बैंकले नेपाल राष्ट्र बैंकलाई ३–१ गोल अन्तरले पराजित गर्यो । सिद्धार्थ बैंकका लागि सन्तोष लम्सालले दुई तथा प्रकाश अधिकारीले एक गोल गरेका थिए । नेपाल राष्ट्र बैंकका लागि एक मात्र गोल युगेश नकर्मीले गरेका थिए ।
अर्को खेलमा कुमारी बैंक एनआइसी एसिया बैंकसँगको खेलमा टाइब्रेकरमा विजय भयो । पहिलो हाफकोे ८औँ मिनेटमा कुमारीका वालकृष्ण चौधरीले तथा १२ औँ मिनेटमा शिवराज आचार्यले गोल गरेका थिए । एनआइसी एसियाका लागि दिपेन्द्र रावतले पहिलो हाफको ६औँ मिनेटमा गोल गरेका थिए भने दोस्रो हाफको १८औँ मिनेटमा खुमबहादुर घर्तीले अर्को गोल गरेका थिए । निर्धारित समयमा वरावरी भएपछि थप गरिएको १० मिनेटमा पनि दुवै टिमले कुनै गोल गर्न नसकेपछि खेल टाइब्रेकरमा गएको थियो । टाइब्रेकरमा कुमारी बैंक विजयी भयो ।
बुधवार नविल बैंक र एनआइसी एसिया बैंकबीच तथा नेपाल बैंक लिमिटेड र नेपाल बङ्गलादेश बैंकका बीच हुने अन्तरालका सञ्चार संयोजक लक्ष्मी चौधरीले जानकारी दिनुभयो । रासस
No comments:
Post a Comment