मलेसियामा आचार्य सेवा समाजको नयाँ समिति |

क्वालालम्पुर, मलेसिया | केहि बर्ष अघि स्थापना भएको आचार्य सेवा समाज मलेसियाका निवर्तमान अध्यक्ष भोला आचार्यले राजीनामा दिनु भएपछि पुनः अर्को कार्य समिति गठन गरिएको छ । १५ जनवरीका दिन मलेसियाको क्वालालम्पुर स्थित दगोर्खाज रेस्टुरेन्टको सभाहलमा सम्पन्न बैठकले ओमराज आचार्यको अध्यक्षतामा १७ सदस्यीय रहने गरि नयाँ समिति गठन गरेको छ ।

त्यस्तै उपाध्यक्षमा कमल आचार्य (असफल), सचीव चन्द प्रसाद आचार्य, उपसचिव गोपाल आचार्य,कोषध्याक्ष डिल्लीराम आचार्य र वरिष्ठ सल्लाहकार जयप्रसाद आचार्य रहनु भएको छ।

साथै उक्त भेलाले केहि महिना अगाडि स्थापना गरिएको आपतकालीन सहयोग कोष लाई,चुस्त बनाउन सबै सदस्यहरु सक्रिय हुने निर्णय गर्दै समाज को निति र नियम पहिलाकै यथावत राखिएको जनाइएको छ।