नक्कली सट्रीफिकेट धारी आयलनिगमका कर्मचारी यसरी बिहारबाट प्रमाणपत्रबानाई नेपालमा ब्रमलुट गर्दै !

नक्कली सट्रीफिकेट धारी आयलनिगमका कर्मचारी यसरी बिहारबाट प्रमाणपत्रबानाई नेपालमा ब्रमलुट गर्दै !
काठमाडौं, १३ माघ । नेपाल आयल निगम भ्रष्टाचारी र नक्कली सर्टिफिकेटधारी कर्मचारीको अखडा बन्दै गएको छ । यहाँ कार्यरत केही कर्मचारीले भारत स्थित विहार इन्टरमिडियट काउन्सिलबाट आईएको नक्कली सर्टिफिकेटका आधारमा जागिर खाइरहेको तथ्य फेला परेको छ ।

कर्मचारी ‘इम्प्लोइ नम्बर’-००३६७ अर्थात प्रदीपमान बसि । जो नेपाल आयल निगम बोर्ड सदस्य समेत हुन् । नेपाल आयल निगमका छैटौँ तहको कर्मचारी उनै प्रदीपमानको सर्टिफिकेट नक्कली रहेको स्रोतले बताएको छ । स्रोतले उपलब्ध गराएको उनको सर्टिफिकेट छिमेकी मुलुक भारतमा तयार भएको देखिन्छ । यस अघि भारतकै नक्कली सर्टिफिकेट पेस गरेका नक्कली सर्टिफिकेटधारी डाक्टरलाई सिआईबीले पक्राउ गरेको थियो ।

सन् १९९२ मा बिहार इन्टरमिडिएट काउन्सिलबाट उनले पिसिएलको सर्टिफिकेट लिएको र सोही सर्टिफिकेटको आधारमा उनले नेपाल आयल निगममा जागिर शुरुवात गरेका हुन् । २०६७ देखि केही वर्ष नेपाल आयल निगमको थानकोट डिपोमा कार्यरत उनी २०७० देखि भने आयल निगमको केन्द्रीय कार्यालय बबरमहलमा छन् । नक्कली सर्टिफिकेटको आधारमा जागिरमा प्रवेश गरेका उनले आयल निगममै रहँदा अकुत सम्पत्ति समेत कमाइसकेका छन् ।
राजनीतिक पहुँचले बनायो बोर्ड सदस्य

पूर्वप्रधानमन्त्री गिरिजा प्रसाद काेर्इरालाकाे तस्बिर हस्तान्तरण गर्दै कांग्रेस नेता शशांक काेर्इराला

---

राजनीतिक पहुँचकै आधारमा उनी अहिले आयल निगम बोर्डको सदस्य छन् । आफ्नो सर्टिफिकेट नक्कली हुँदासमेत आयल निगमका कार्यकारी प्रमुख एमडी गोपाल बहादुर खड्कालाई रिझाएर उनी पदमुक्त हुनबाट जोगिएका कांग्रेस निकट एक कर्मचारी बताउँछन् । ‘उहाँ राजनीतिक मान्छे हो, आयल निगममा हुने सरुवा बढुवाबाट कमिश लिनुहुन्छ माथि हाकिमलाई चित्त बुझाए यहाँ जे गरेपनि छुट छ,’ ती कर्मचारी भन्छन्,‘नेताकै दबावबाट उहाँले यहाँको बोर्ड सदस्य पड्काउनु भयो ।

प्रदीपमानको बायोडाटा

अायल निगममा उनले बुझाएकाे प्रमाण पत्र जहाँ बिहार इन्टरमिडिएट लेखिएकाे छ ।

---

भक्तपुरका स्थायी बासिन्दा बसि (नागरिकता नम्बर ८१२०)ले २०३९ मंसिर ८ गते निगममा तीन तहको टाईपीस्टमा जागिरि शुरुवात गरेका थिए । सोही बेला उनले इनटरमिडियतको बिहारी प्रमाण पत्र निगममा बुझाएको बताइन्छ । २०६१ साल वैशाख ४ गते उनलाई चारौँ तहमा बढुवा गरिएको देखिन्छ । जतिबेला उनी अमलेखगन्जमा कार्यरत थिए । सोही समयमा उनले आर्थिक हिनामिना गरेको समेत कर्मचारीको आरोप छ । यस्तो आरोपको बीच २०६३ माघ २८ गते उनलाई ५ औँ तहमा बढुवा गरिएको थियो भने २०६८ जेठ ५ गते छैटौँ तहमा बढुवा भएको थियो ।

   बाेर्ड सदस्यकाे रूपमा प्रदीप मान बसी

---

आयल निगम कर्मचारीको कल्याणको लागि कल्याण कोष खडा गरिएको छ । तर, सोही कल्याणकोषमा समेत उनले लाखौँ रकम हिनामिना गरेको कर्मचारीको आरोप छ । ‘त्यतिका लाखौँ रकम हिनामिना हुँदासमेत कारबाही त परैको कुरा हो छानबीन समेत भएन,’ नेपाली कांग्रेस निकट एक कर्मचारी भन्छन्,‘निगमको कर्मचारी कोषको रकम हिनामिनामा उपेन्द्र नेपाल र दिवंगत दीपक वाग्ले समेत थिए । कोषेको रकम झिकेर घर जग्गाको खरिद गरिएको थियो । यो फाइल नै गायब बनाइयो ।’

अख्तियारमा पर्‍यो उजुरी

यसैबीच उनको सर्टिफिकेटको विषयमा छानबीन गर्न अख्तियार दुरुपयोग अनुसन्धान आयोृगमा समेत उजुरी परेको छ । ‘उहाँ सहित केही कर्मचारीको नक्कली सर्टिफिकेटको छानबीन गर्न हामीले अख्तियार सहित विभिन्न निकायमा उजुरी परेको छ,’ स्रोतले भन्यो,‘छिट्टै यो विषयमा अख्तियारले कारबाही अगाडी बढाउँछ ।’

प्रदीपमानकाे प्रश्न,‘ तपाईंलाई कसले भन्यो ?
यस विषयमा हामीले प्रदीपमान बसीलाई सम्पर्क गरेका थियौँ । बसीले प्रश्न सोध्ने पत्रकारलाई ‘तपाईंलाई कसले भन्यो ?’ भन्दै प्रति प्रश्न गरेका थिए ।

Diyo Postबाट