यूकेमा लुट २ को प्रिमियर हुँदै

लन्डन– सुपरहिट फिल्म लुटको सिक्वेल लुट २ को प्रिमियर शो बेलायतमा पनि हुने भएको छ ।

ब्ल्याक हर्स प्रोडक्सनको ब्यानमार निर्माण भएको लुट २ को प्रिमियर आगामी फेब्रुअरी २५ मा अल्डरसटस्थिप प्रिन्सेस हलमा हुने छ । यूकेमा हुने प्रिमियरको रेड कार्पेटमा अभिनेता सौगात मल्ल र दयाहाङ राईले सहभागिता जनाउनेछन् ।

‘लुट–२’ पहिलो ट्रेलर पुस तेस्रो साता काठमाडौंमा प्रिमियर गरिएको थियो । दर्शकहरुको प्रतिक्षाको सुचीमा रहेको उक्त चलचित्रले सञ्चारकर्मीमाझ उक्त ट्रेलर सार्वजनिक गरेको हो । निश्चल बस्नेतद्वारा निर्देशिक्त उक्त चलचित्रको ट्रेलरमा द्वन्द्व तथा सस्पेन्सलाई प्राथमिकता दिइएको छ ।

लुट–२ मा सौगात मल्ल, दयाहाङ राई, कर्मा, विपिन कार्की, सुशीलराज पाण्डे, ऋचा शर्मा आदि कलाकारले अभिनय गरेका छन् । माधव वाग्ले तथा नरेन्द्र महर्जनद्वारा निर्मित यो चलचित्रको सार्वजनिक प्रदर्शन फागुन १३ गतेदेखि हुने छ ।