प्रचण्डलाई अर्को झड्काः सत्तारुढ दलकै ६ सांसद ओलीको लाइनमा, को-को छन् ?

काठमाडौं, ४ माघ । नेपाली कांग्रेस र नेकपा माओवादीसहितका सत्तारुढ दलका ६ सांसदले संविधान संशोधन विधेयक असफल पार्न लागिरहेको प्रमुख प्रतिपक्षी नेकपा एमालेलाई साथ दिने भएका छन् ।

पाँच नम्बर प्रदेश टुक्राउने गरी आएको संशोधन विधेयक असफल पार्नकै लागि उनीहरुले नेकपा एमालेका अध्यक्ष केपी शर्मा ओलीसँग परामर्श समेत गरेका छन् ।

यसैक्रममा मंगलबार (आज) नेपाल परिवार दलका अध्यक्ष एकनाथ ढकालले पनि ओलीसँग परामर्श गरेका छन् ।

प्रधानमन्त्री निर्वाचनमा पुष्पकमल दाहाललाई मतदान गरेको नेपाल परिवार दलका अध्यक्ष ढकालले मंगलबार भक्तपुरको बालकोटस्थित निवासमा पुगेर अध्यक्ष ओलीसँग छलफल गरेका हुन् । भेटमा राष्ट्रहित विपरित रहेको संविधान संशोधनको विपक्षमा एकमत भएर उभिने निर्णय भएको ढकालले जानकारी दिए ।

संविधान संशोधनको विपक्षमा रहेका पाँच सांसद को को ?

संविधान संशोधन विधेयक असफल पार्न लागिरहेका पाँच सांसदमा प्राय पाँच नम्बर प्रदेशका रहेका छन् । उनीहरु प्रतिपक्षीसँगै संशोधन विधेयकको विपक्षमा मतदान गर्न मनस्थितीमा छन् ।

१) चन्द्र भण्डारी (कांग्रेस)

२) टोपबहादु रायमाझी (माओवादी केन्द्र)

३) एकनाथ ढकाल (परिवार दल)

४) अमरबहादुर पुन (कांग्रेस)

५) धनराज गुरुङ (कांग्रेस)

६) डोरप्रसाद उपाध्याय (माओवादी केन्द्र)