सिड्नीबाट धुर्मुस सुन्तलीलाई १७ लाख सहयोग रकम संकलन

सिताराम कट्टेल धुर्मुस र कुञ्जना घिमिरे सुन्तलीलाई अष्ट्रेलियामा १७ लाख सहयोग रकम प्राप्त भएको छ । एकिकृत नमुना मुसहर बस्ती निर्माणका लागि सहयोग संकलन गर्न अष्ट्रेलिया पुगेका उनीहरुले जनवरी २१ मा गज्जबको इभेन्ट्सद्धारा आयोजित कार्यक्रममा प्रस्तुति दिएका थिए ।

यो जोडिले सिड्नीमा भएको कार्यक्रममा १७ लाख ४२ हजार ६ सय २५ रुपैयाँ सहयोग रकम संकलन गरेका हुन् ।

अष्ट्रेलियामा रहेका नेपालीहरुको उल्लेख्निय उपस्थितीमा गरिएको कार्यक्रममा सो सहयोग रकम संकलन गरिएको हो । धुर्मुस सुन्तली फाउन्डेसनका अध्यक्ष सिताराम कट्टेल धुर्मुसले कुराकानी गर्दै सबै सहयोगी मनहरुलाई धन्यबाद दिएका थिए । उनले २ वटा कार्यक्रम अष्ट्रेलियामा अझै बाँकी रहेको जानकारी दिए ।

धुर्मुस सुन्तली फाउन्डेसनले निर्माण गर्न लागेको एकिकृत नमुना मुसहर बस्तीको अहिले १५ प्रतिशत काम सकिएको छ । हाल सम्ममा बस्तीमा निर्माण हुने ५० वटा घरमध्ये ४० वटा घरको जग राखिएको छ भने ३२ वटा घरको जग उठाउने कार्य सम्पन्न भइसकेको छ ।